هل الغشوه فقط على المواطن؟؟؟

السلام عليكم و رحمة الله و بركاته

شحالكم يا عرب؟؟

في بالي كان سؤال أبا أناقشه معاكم من زمان...لكن دووم أنسى

و الحمد الله اليوم تم ع بالي..و قلت لازم أحطه في المنتدى كأول موضوع لي في قسم الحوار

لكن الموضوع موجه حق البنات....سامحوني شباب...لكن حياكم جان بتشاركون

يا بنات عندي لكم سؤال و أباكم كلكم تجاوبوني


لأنه صارلي كذا موقف محيرني!!!!

و السؤال المحير هو؟؟.....بس قبل لازم أعرظ عليكم الموقف





5


:


4


:


3


:


2


:


1
(أكشنـ)

أسير الخياييط مع الوالده و يوكونن حريم في الخياط و يشوفن ثيابهم

و بمجرد ما أدخل...

أسمع وحده تقول حق ربيعاتها....(تغشن ريال داش علينا)


فا تكون ردة فعلي أني أرد السياره أتريا الوالده...أمري لله


ليش يعني الخياط الهندي عادي يشوفهن!!!....هب ريال هوه!!!


و المشكله هينه لو في خياط....


لكن يوم تكون مسافر تشوف العجب العجاب

سير مطعم.. ولا موول..... ولا حديقه....... و أنته مسافر ...شوفلك إماراتيه يعني مواطنه ولا خليجيه هناك


لكن لا تتكلم خليجي ولا عربي .....(يعني خل هويتك مستوره)

بتشوفهن عاقات الشيل ع جتوفهن


و بمجرد ما تفصح عن هوتك و ترمس عربي...بتشوفها هب إلا تحجبت... لا بعد تغشت عنك!!!



كيف يعني غير المواطن...نكشف ويوهنا عادي؟؟؟

المواطن ولا العرب لأ؟؟


أرقب ردودكم


و سامحوني ع التقصير